O dia 30 de dezembro a Gentalha do Pichel adianta a despedida do ano com um guateque que começará às 21:30. Haverá jantar com pratos e petiscos variados e opçons veganas na ementa para colher energia antes de dançar com os grupos que nos acompanharam.
Começará a noite com a Ukestra do Medio, continuará o grupo Atrás Tigre e finalizará a noite DJ Nervo Faraom.
A ukestra do Medio, é umha orquestra de ukeleles nacida na Escola do Medio, em Compostela a finais de 2013. Desde entom percorrem bares, centros sociais, festivais e diferentes eventos compartilhando versons divertidissimas de temas em diferentes línguas e estilos. As suas vozes, coros e ukeleles introduziram-nos no ambiente de auténtico guateque!
Atrás Tigre é um projecto pop que retoma o espíritu das míticas cintas do C-86; nascido também em Compostela, está formado por Olalla Cociña (voz/teclados), Pedro Solla (voz/guitarra), Xiana Arias (baixo), Xis Ele Carlín (bateria). Assi descreve o grupo a sua música: “música que gostariamos de dançar, música que gostariamos de escutar tumbados embaixo de uma árvore, mas também música que poríamos ao voltar a casa após sair e nom ter engatado. Música para acordar emoçons”
DJ Nervo Faraom é o alter ego de César Varela, locutor de rádio, crítico musical e DJ que leva mais de 25 anos a trabalhar na cultura subterrânea. Actualmente está a escrever o que será o seu primeiro livro: Rock Compostelán. Com el continuará o guateque com umha selecçom de rock’n’roll de todas as épocas, psycho, surf, garage, pop… e outras surpresas musicais.
A Gentalha do Pichel é umha associaçom cultural que desde hai doze anos vem dinamizando a vida sociocultural da cidade compostelana oferecendo e reivindicando um lacer alternativo e em galego. Entre os diferentes propósitos deste colectivo está o de ensinar, difundir e desfrutar da cultura tradicional galega assi como o de fomentar o conhecimento de novas produçons culturais da Galiza em particular e da Lusofonia em geral. Com este concerto continua a tentativa de achegar novas propostas culturais, populares e inovadoras à cidade de Compostela.
Para mais informaçom sobre esta ou outra actividade podedes consultar o blogue da Gentalha: gentalhadopichel.org ou o seu perfil em facebook
