Sábado 11 às 21h00 e Domingo 12 de março às 19h00 poderemos assistir a representaçom teatral de Agorafobia, parálise sobre o medo da autora Clara Gayo baixo a proposta cenográfica dirigida polo dramaturgo Zé Paredes.
As representaçons seram no C.S. O Pichel (rua Santa Clara, nº21). As entradas (3 euros para persoas associadas e 4 para nom associadas) estam à venda no C.S. O Pichel e também se podem reservar no 698142936 ou no 636838273.
Na sua quarta montagem o Teatro do Pichel, aborda um texto da dramaturga contemporanea Clara Gayo, “Agorafobia – Parálise sobre o medo”. Umha inmolaçom dos pânicos de nove pessoas autoexiladas num piso de espaços pouco definidos. Umha exposiçom do medo como fronteira onde nada se move, nem mesmo o péndulo do relógio. Malia todo as exiladas seguem caminhando por riba de vidros, brasas, ou ruínas. Um caminho impossível cara dentro, na espera de encontrar muros protectores e acomodar-se na parálise.
O grupo de teatro amador do CS O Pichel foi criado no curso 2012-13, apôs o sucesso de Precárias (2013) Idas e Vidas (2014), Ubú no lixo (2015) a súas anteriores propostas cénicas, voltaram surprender-nos com outra peça, resultado de vários meses de aulas formativas.
A Gentalha do Pichel é umha associaçom cultural que desde hai treze anos vem dinamizando o tecido social e cultural da cidade compostelana oferecendo e reivindicando um lacer alternativo e em galego. Com esta peça fai umha achega a um dos seus objectivos:a difusom, conhecimento e criaçom de novas produçons culturais da Galiza em particular e da Lusofonia em geral.
Para mais informaçom podedes visitar o nosso blogue gentalha.org ou visitar o facebook do colectivo ou passar polo centro social, segundas, terças e quintas de 18h00 a 23h00, quartas de 18h00 à 21h30, sextas de 19h00 à 01h00 e sábados de 19h00 a 00h30.
