PGL – A passada segunda-feira, dia 1 de Junho, foi a derradeira emissom do programa radiofónico Aberto por Reformas com quem foi o seu apresentador os últimos três anos, Xurxo Souto. A decisom da nova direcçom da Rádio Galega de manter no ar o espaço com o mesmo nome, mas com diferente filosofia de trabalho, provocou todo tipo de reacções, especialmente na internet.
Embora nom seja estritamente o ‘fim’ do programa, o certo é que a sua audência nom se reconhece no novo formato.
O novo locutor do programa, Xusto López Carril, iniciou a emissom de 2 de Junho com umha contundente declaraçom de intenções: «Este é um programa musical, de trasiçom entre o magazine e a informaçom, mas é um programa com selo próprio. Acontece que a música é subjectiva, e a nossa aproximaçom à música é subjectiva, portanto cada quem, particularmente, escolhe a sua selecçom natural, que probavelmente vós ou vocês nom partilhem, em absoluto, quiçá un pouco, quiçá algo mais ou algo menos». A seguir, no programa especializado em divulgaçom da nova música galega, soou Bruce Springsteen.
A seguir reproduzimos alguns fragmentos de reacções que podemos ler na internet:
Ghaiteiro!
[…]
Mención especial merece Aberto por reformas. Por primeira vez en moitos anos toda a creatividade que agroma a reo neste pais dos quincemil ghaiteiros e ghaiteiras tivo un poderoso altofalante Puidemos descubir que Xurxo tinha razón e ficar abraiados con todo o talento que hai en todos os currunchos deste esquina do fin do mundo que se chama Galiza. Abofe que foi umha cousa bonita que mete medo! E onte partiu para sempre...
[…]
Pechado por reformas
Haberá música galega e grupos de canten en galego , que ninguén o dubide, só que non soarán na radio pública diste país, ou polo menos no cassette da disco-tasca que rexentaba Xurxo Souto. As últimas emisións do Aberto por Reformas alentaban case de xeito desesperado e coma autoinmolación orgullosa a ise lampión sonoro que dende as ondas se foi criando cada tarde durante istes case catro anos, execesivo? Posiblemente, Necesario? Pois tamén. A realidade é moi cruda e palpexante na radio e na tv galega que recunca á súa esencia primaria de doma e castración. […]
Fechado por censura
[…] não queria finalizar esta lembrança sem salientar que Xurxo Manuel Souto Eiroa, além de subdirector de programas da radio pública do país nos últimos tres anos e meio, foi também peça-chave na gestação do sucedido (e impresindível) concurso A polo Ghit, que em parceria com Vieiros botou os últimos três anos a procurar uma canção galega do Verão, uma ‘escusa’ que realmente serviu de promoção de muitos pequenos e novos grupos, complementando o labor do Aberto por Reformas. […]
Fechado por reformas
O programa Aberto por reformas que bem apresentou Xurxo Souto durante os últimos anos, dando oportunidade á música galega de todos os estilos, finou no dia de onte.
Entendo que retirem ao senhor Souto como direitor de programaçom da RG, mas retirar-lhe o programa e ponher o que pugerom nom têm outro nome mais que o de Censura.
E quando antes o programa se adicava á expansom interplanetária da música pangalaica, agora… Julguem vostedes […]
+ Ligações relacionadas:
- O Movemento expresa a súa queixa ante a censura da nova TVG ás realidades do país [Movimento polos Direitos Civis]
- A música galega, pechada por reformas? [Vieiros]
- Jurjo Souto: «A barreira que há chama-se política, chama-se ideologia» [entrevista para o especial Lusofonia é Vantagem do PGL]
- Xurxo Souto, chefe de Programas da Rádio Galega: «Cumpre ser mui generoso para ser reintegracionista» [Velho PGL, 07/02/2008]
