A sua turnê de três concertos na Galiza começa na vila natal dum dos seus integrantes, Burela. Tocarám também em Compostela e Cambados.
Despois dum hiatus de sete anos, a agrupaçom retoma atividade com força e apresenta dez novos temas. Umha proposta elétrica e mais escura do seu rock portátil, o duo experimenta as texturas do pop psicodélico, a raiva do hardcore e a densidade do post-punk.
O centro social burelao Xebra! acolhe este sábado 11 de março o primeiro concerto de Grampoder em que o duo musical formado por Martin Wu e LeRoi apresentam o seu novo álbum PM. O recital será às 22:30 horas e a entrada custará 4 euros para as pessoas sócias do local e 5 euros para nom sócias.
Os dous músicos galegos iniciaram esta angueira em 2013 musical após partilhar projeto musical em The Homens, banda referencial da cena musical galega na década dos 2000. Célebre pelas suas reminiscências garage, power pop e soft punk, e a sua participaçom em diferentes iniciativas como a homenagem a Andrés do Barro ou o festival de Cans, o grupo fechou etapa logo de que um dos membros tivesse que emigrar.
Com o lançamento de Golf Whiskey, LeRoi e Martin Wu mantêm vivo o espírito da passada formaçom musical. O seu novo trabalho, PM, explora “todo o que ocorre a partir da metade da jornada, quando começa a se fazer de noite e a inércia do dia se faz cada vez mais difícil de corrigir”. Percusons enérgicas, guitarras contundentes e letras afiadas captam a atençom do público num formato versátil e impatante.
Martin Wu, seudónimo de Martiño Suárez, escolhe jogar na casa para inaugurar este ciclo de concertos. Burelao e jornalista, é autor da secçom de opiniom e da consequente coletânea de artigos Bestiario do Vestiário, publicados originalmente em Praza Pública.
Burela
?Sábado 11/3 ⏰ 22.30h.
? Xebra Associaçom
5€ (Socios 4€)
Compostela
?Venres 17/3 ⏰ 21h.
? Riquela
7€ – Anticipada á venda en A Reixa Tenda/Matrioska (Rúa do Hórreo, 46)
Cambados
?Sábado 25/3
? Krazzy Kray
