PGL – Desde já as operadoras R, Telefónica, Vodafone, Orange e Yoigo e os fabricantes Motorola, Nokia, Samsung, Sony-Ericsson e Alcatel introduzirám o galego ILG-RAG na telefonia móvel, graças ao protocolo de colaboraçom assinado com a Secretaria Geral de Política Lingüística.
O galego ILG-RAG será umha opçom presente de maneira progressiva quer nos menus e aplicaçons dos aparelhos , nos serviços de facturaçom e atendimento ao cliente, webs e campanhas publicitárias. Para isso Política lingüística facilitará apoio nas traduçons e assessoramento lingüístico na revisom terminológica das mensagens.
A Mesa aplaudiu a assinatura deste acordo, «longamento reivindicado polo movimento social da língua» e chamou a cidadania para fazer uso de todos os serviços que agora vam estar disponíveis em galego ILG-RAG.
Da entidade normalizadora lamentam, no entanto, que a «falta de reflexos» da Secretaría Geral de Política Lingüística faga com que este acordo seja assinado um ano depois dos acordos para o catalám e a língua basca.
Para A Mesa, «é muito importante que todos os terminais com opçom de galego [ILG-RAG] sejam distribuídos com normalidade nas lojas e que sejam realizadas campanhas para dar a conhecer a sua existencia.” Igualmente, pede para que, como se fijo no caso do catalám, «seja oferecida a opçom de mudar os terminais velhos sem opçom de galego [ILG-RAG] para outros que sim ofereçam essa opçom».
A campanha em prol da inclusom do galego ILG-RAG na telefonia móvel iniciou-se há mais de três anos, como o BNG a recolher a mesma e instar a Junta a que tomasse umha série de medidas. Algumhas das operadoras e alguns dos fabricantes já ofereceriam, nos dias de hoje, a opçom do galego ILG-RAG nalgum dos seus aparelhos.
+ Notícias relacionadas:
- A Mesa aplaude a sinatura dun acordo para a introdución do galego na telefonía móbil, longamente reivindicado polo movemento social en defensa da lingua. A Mesa, 08 de Setembro de 2008.
- A Mesa reclama à Junta medidas para a extensom do uso do galego na telefonia. PGL, 12 de Março de 2006.
- Movistar incorpora o galego aos telemóveis. PGL, 29 de Novembro de 2005.
- Vodafone vai editar em galego os seus contratos e utilizará a toponímia galega oficialista. PGL, 10 de Novembro de 2005.
- Governo catalão compromisso com o fomento do uso social da língua catalã. PGL, 11 de Julho de 2004.
