PGL – O vindouro dia 1 de Abril, terça-feira, o doutor em Filologia Românica e Catedrático de Literatura espanhola Francisco Rodrigues Sanches, falará dentro do ciclo Língua, Literatura e Naçom, sob a organizaçom da Agrupaçom Cultural O Facho da Corunha. A sua palestra versará sobre: Rosalia de Castro, a perspectiva galega do mundo. O acto realizará-se às 8 do serám em Portas Artabras, Rua Sinagoga 22 – Cidade Velha.
Rodrigues Sanches é autor dumha ampla obra de investigaçom e ensaio em temas lingüísticos, literários, culturais e políticos desde unha perspectiva nacionalista. Inaugura unha linha de análise sócio-lingüística com a publicaçom de Conflicto lingüístico e ideoloxía na Galiza. Especialista em figuras de grande relevância como Rosália de Castro –Análise sociolóxica da obra de Rosalía Castro-, Curros Enríquez –A evolución ideolóxica de Manuel Curros Enríquez-, Blanco Amor –O desacougo da nación negada, Eduardo Blanco Amor-. Neste âmbito realizou trabalhos como o “Literatura galega, problemas de método e interpretación”
Paco Rodrigues foi um dos impulsores da criaçom e dinamizaçom de organizaçons sindicais e políticas como INTG e BNG. Também participou como deputado do Parlamento Galego e nas Cortes Espanholas como membro do Bloque Nacionalista Galego.
