PGL – Com o tempo de apresentaçom de candidaturas concluído, Xosé L. Méndez Ferrín nom terá oposiçom no seu caminho à presidência da RAG, polo que amanhá será eleito para o cargo máximo da histórica instituiçom, substituindo Xosé Ramón Barreiro no posto.
Ferrín, que já afirmou que o seu plano de trabalho vai ser “continuista”, foi criticado por algum sector pola sua militância política à frente da formaçom independentista FPG. Contudo, apenas dous votos fôrom contrários à candidatura do escritor, o de Xosé Luís Franco Grande —crítico com a instituiçom— e o do comunista Xesús Alonso Montero.
O processo de eleiçom começará amanhá às 12h00. Para resultar eleito na primeira votaçom, o futuro presidente teria de obter a maioria absoluta, porém, se nom for assim, unha maioria simples seria suficiente numha segunda votaçom.
+ Ligaçons relacionadas:
- Ferrín é, por enquanto, o único candidato a presidir a RAG [PGL, 15/01/2010]
- Franco Grande: «A RAG nom me parece demasiado útil para o país» [PGL, 06/01/2010]
- A Academia de Franco [ Opiniom de José Paz Rodrigues]
- A RAG retira às caladas a condiçom de académico a Franco [PGL, 26/08/2010]
