PGL – O escritor Xosé Luís Méndez Ferrin, apoiado polo anterior presidente, Xosé Ramón Barreiro; o professor Xosé Luís Axeitos e o catedrático Ramón Lorenzo; é, por enquanto, o único académico da RAG que tem formalizado a sua candidatura para presidir a histórica instituiçom.
Embora seja ainda possível a apresentaçom de novas candidaturas até 48 horas antes do conclave, tudo aponta a que no dia do plenário extraordinário, dia 23 de janeiro, nom haverá surpresas e Méndez Ferrín será eleito novo presidente da RAG.
O próprio secretário da instituiçom, Manuel González, explicava na passada quarta-feira que o autor de Amor de Artur é um «bom candidato», destacando como dado importante o facto de contar com o apoio do anterior presidente da Academia.
O processo de eleiçom começará às 12 horas do dia 23. Para resultar eleito na primeira votaçom, o futuro presidente teria de obter a maioria absoluta, porém, de nom ser assim, unha maioria simples seria suficiente numha segunda votaçom.
