Partilhar

Eleições AGAL: Apresentado programa da candidatura Polo Novo Consenso

Eduardo S. Maragoto
Eduardo S. Maragoto

Na seqüência das eleições ao Conselho da AGAL, a candidatura Polo Novo Consenso, encabeçada por Eduardo Sanches Maragoto, apresenta nesta segunda-feira o seu programa, no qual explica em detalhe as linhas de açom para os vindouros anos.

Este programa inclui a proposta de confluência normativa que se debateu na plataforma Loomio até quinta-feira passada e no qual 74% das pessoas participantes (todas elas sócios e sócias da AGAL) mostrárom o seu interesse na iniciativa.

Doutra parte, o programa também insere praticamente todas as propostas colocadas polos sócios e sócias na ferramenta on-line para elaborar de maneira co-participada o programa e as linhas de açom. Daquelas, aliás, que nom fôrom recolhidas diretamente, «terám-se em conta certos aspetos para completar outras propostas ou já aparecem aglutinadas com outros pontos do programa que figuram no programa», segundo a candidatura Polo Novo Consenso.

A candidatura agradece a todos e todas as participantes o facto de terem contribuído tanto para a elaboraçom do programa como para o debate sobre a confluência normativa, quer no Loomio quer em numerosos artigos e comentários deixados no PGL. Ainda, agradece especialmente a Antom Meilám o trabalho informático realizado para possibilitar a participaçom das pessoas associadas na elaboraçom do programa, «umha experiência a repetir para a tomada de novas decisons no futuro».

Linhas de açom

Polo Novo Consenso é umha candidatura «continuadora do labor realizado polos dous últimos Conselhos da AGAL». Portanto, no caso de ser eleita, manterá «todas as linhas de trabalho atuais» e ainda fixa novos objetivos para os vindouros anos.

O compromisso de trabalhar para a elaboraçom de umha proposta de confluência normativa é só um dos quatro pontos do programa, que esquematicamente se divide da seguinte maneira:

  1. Confluência normativa.
  2. Acompanhamento da Lei Paz-Andrade (LPA).
  3. Vinculaçom reintegracionismo e identidade galega
  4. Áreas de continuidade
Lei Paz-Andrade

No que diz respeito da LPA, esta linha é estruturada em quatro eixos: ensino, conhecimento mútuo Galiza-Lusofonia, trocas de ámbito audiovisual e outros. Quanto ao ensino, será criada umha área para acompanhar e promover a introduçom do português em cada estabelecimento de ensino, serám criadas unidades didáticas de Português Língua Estrangeira paras as aulas de Galego e comentará-se a constituiçom de um coletivo de professores e professoras de prática reintegracionista, entre outras iniciativas. Como propostas para o conhecimento mútuo Galiza-Lusofonia, as mais destacadas som o aproveitamento das possibilidades da colaboraçom com institiuções aquém e além Minho, continuará a colaboraçom com Cultura que Une e disponibilizarám-se em linha e gratuitamente obras literárias em galego-português. Já no que atinge às trocas de ámbito audiovisual, será centrada em fomentar a colaboraçom entre a CRTVG e a RTP. Outras iniciativas por volta da LPA incluem a constituiçom de um Observatório pró-ativo da Lei Paz-Andrade e promover um Plano Diretor da Língua assente na LPA e que ultrapasse o vigente PGNLG.

O ponto programático sobre a vinculaçom do reintegracionismo e a identidade galega terá o foco no audiovisual e as redes sociais. Fará-se umha campanha para promover a identificaçom dos diferentes dialetos galegos com o conjunto do português no mundo, intensificarám-se parcerias com meios de comunicaçom e outras associações, será criado um ‘consultório lingüístico’ no Twitter, trabalhará-se para desenvolver novas ferramentas lingüísticas no ámbito informático e divulgará-se terminologia lingüística para áreas aonde o galego vivo ou oficialista nom chegam.

Áreas de continuidade

A principal área de continuidade será a Através Editora, a qual iniciaria umha nova etapa sob direçom de Valentim Fagim. Os principais objetivos do novo diretor seriam garantir a ediçom de onze livros por ano e ao menos umha coletánea internacional. Também se potenciaria o Através Clube para garantir a amortizaçom dos projetos.

Finalmente, Polo Novo Consenso inclui no programa um leque de propostas para a melhora organizativa da AGAL; todas elas som quer compromissos dos anteriores Conselhos da AGAL (que, portanto, terám continuidade), quer mandados assembleares da associaçom de deverám ser implementados:

  • Manter ou ampliar a profissionalizaçom das áreas estratégicas, impulsionando parcerias para desenvolver os projetos que o precisarem.
  • Implicar polo menos 10% dos sócios e sócias nas diferentes áreas de trabalho da AGAL: LPA-Ensino, LPA-Conhecimento Mútuo, LPA-Trocas audiovisuais, Reintegracionismo e Identidade, Área Editorial, Coordenaçom Geral, Área Administrativo-Económica, Área Informática e Área de Cursos.
  • Promover ações que facilitem e incrementem a participaçom efetiva das mulheres na associaçom.
  • Manter OPS e aPorto
  • Elaborar umha proposta de otimizaçom dos estatutos e do regulamento interno da associaçom, eliminando redundáncias e reordenando o articulado para os tornar instrumentos mais úteis para o dia-a-dia associativo.
  • Manter referencialidade do PGL no ámbito comunicativo.
  • Incrementar a presença na sociedade galega com vídeos breves a comentar atualidade, aproveitando para divulgar a mensagem reintegraiconista.
  • Traduzir produtos para outras línguas, nomeadamente o inglês.

 

polonovoconsenso - com letra

Comissom Linguística da AGAL reinicia os seus trabalhos

AGAL organiza obradoiros de português para centros de ensino primário e secundário em Moanha

Saioa Sánchez, neofalante: “Para mim faz muito sentido falar galego se vais viver na Galiza”

Lançamento do livro “André”, de Óscar Senra, com Susana Arins em Vedra

AGAL e Concelho de Cotobade apresentam Leitura Continuada da República dos Sonhos

Queique de abacate e limão

Comissom Linguística da AGAL reinicia os seus trabalhos

AGAL organiza obradoiros de português para centros de ensino primário e secundário em Moanha

Saioa Sánchez, neofalante: “Para mim faz muito sentido falar galego se vais viver na Galiza”

Lançamento do livro “André”, de Óscar Senra, com Susana Arins em Vedra