PGL – A Agrupaçom Cultural O Facho da Corunha acaba de anunciar a convocaçom da nova ediçom do concurso literário «Carlos Casares» na qual poderám participar «nenos e nenas, rapazes e raparigas, que apresentem as suas obras em língua galega», conforme reza nas bases do concurso.
O concurso literário «Carlos Casares» foi recuperado em 2008, com o objectivo de retormar os históricos prémios literários convocados pola histórica agrupaçom cultural O Facho desde a década de sessenta do século passado e nos quais «participárom ou ganhárom muitos dos escritores e escritoras que hoje fam possível com a sua obra umha literatura galega de qualidade, de grande importância nas letras universais».
O nome do concurso é «em afectuosa homenagem» ao primeiro ganhador do Certame de Literatura Infantil no ano 1968, Carlos Casares, com a sua formosa obra A galinha azul que «atingiria a honra de ter sido o fito fundacional da bem viçosa Literatura Infantil e Juvenil Galega contemporânea».
A seguir publicamos as bases do concurso na íntegra, batendo o ponto em que o prazo para a admissom de originais finaliza no dia 31 de Março de 2009 à meia-noite.
Bases da II ediçom do concurso literário «Carlos Casares»
Agrupaçom Cultural O Facho (Corunha – Galiza)1. Poderám participar nenos e nenas, rapazes e raparigas, que apresentem as suas obras em língua galega. Os trabalhos propostos deverám ser originais e inéditos em toda a sua extensom.
2. O prazo de admissom de originais finaliza o dia 31 de Março de 2009 às doze da noite.
3. A apresentaçom de originais para o Concurso fará-se por correio postal dirigido à sede da Associaçom Cultural O Facho (rua Frederico Tapia,12-1º 15005 – Corunha). Podendo fazer-se individualmente ou por meio do centro onde frequentar os seus estudos.
4. No caso de serem os centros escolares os que apresentarem os originais ao Concurso, deverám fazer umha prévia selecçom de um máximo de dous trabalhos por categoria, qualquer outro terá que ser apresentado individualmente.
5. As obras terám de ser relatos originais e nom estarem editados por nenhum procedimento impresso ou electrónico nem terem sido premiadas em qualquer outro concurso ou certame literário e em condiçons para que os seus direitos de publicaçom possam ser cedidos à Associaçom Cultural O Facho por um período de três anos contados a partir do dia do veredicto do júri.
6. Estabelecem-se duas categorias:
- Categoria A: Nenos e nenas de 6 a 12 anos.
- Categoria B: Rapazes e raparigas de 13 a 16 anos.
7. As quantias dos prémios serám as que seguem:
- Categoria A
1º – 200 € em efectivo.
2º – 200 € em efectivo.
- Categoria B
1º – 300 € em efectivo.
2º – 200 € em efectivo.8. Cada autor/a só poderá apresentar umha obra atendo-se aos seguintes limites de extensom:
- Categoria A: um máximo de cinco fólios.
- Categoria B: um máximo de dez fólios.
9. As obras haverám de se apresentar manuscritas ou mecanografadas, encadernadas ou grampeadas e levaram por detrás do último fólio os seguintes dados:
- Nome e apelidos do autor/a
- Endereço postal e telefone.
- Correio electrónico (se o tiver).
- Centro onde frequenta os seus estudos.
- Categoria em que participa.
10. Os prémios serám elegidos por um júri nomeado pola Associaçom Cultural O Facho em veredicto que se fará público no mês de Maio.
11. O júri poderá declarar deserto um ou vários dos prémios do concurso e será o que deverá resolver aquelas situaçons que se apresentarem e que nom estiverem contempladas nestas bases, assim como as dúvidas na sua interpretaçom.
12. A participaçom neste Concurso implica a aceitaçom das presentes bases.
A Corunha, 8 de Janeiro do 2009
Notícias relacionadas:
-
O Facho dá a conhecer resoluçom do XL Concurso de Contos ”Carlos Casares”. PGL, 16 de Maio de 2008.
-
Resoluçom do XL Concurso de Contos “Carlos Casares”. Blogue d’O Facho, 15 de Maio de 2008.
-
‘O Facho’ convoca concurso literário ”Carlos Casares”. PGL, 28 de Janeiro de 2008.
