PGL – Já foi publicado em papel e digitalmente o número 22 de Voz Própria, revista nacional de NÓS-Unidade Popular. Este último número conta com um caderno central dedicado ao conflito lingüístico.
A vitória eleitoral ao PP, a organizaçom da galegofobia, os subsídios à imprensa em espanhol, o fracasso e limitaçons das políticas de normalizaçom lingüística ou a constituiçom de Galego Sempre Mais som alguns dos pontos tratados na análise sobre esta questom. O espaço dedicado à análise sobre esta matéria finaliza com o poema Cançom para cantar todos os dias do poeta chairego Manuel Maria.
Outros temas tratados no último Voz Própria som a crise capitalista, os resultados das eleiçons galegas, a apresentaçom do «Manifesto à Pátria e ao Povo Trabalhador». A secçom internacional é dedicada nesta ocasiom aos movimentos populares, sociais e organizaçons políticas do Peru. O número inclui também umha entrevista com Óscar Peres Vidal, membro da Direcçom Comarcal da CIG em Trasancos, que analisa o recente Congresso Confederal da Confederaçom Intersindical Galega.
Como sempre, a revista está disponível na sua ediçom impressa ao preço de dous euros e nos locais de venda habituais.
Capa do n.º 22 de Vóz Própria, revista nacional de NÓS-UP
[prima aqui para consultar o número em formato de fácil leitura]
+ Ligaçons relacionadas:
