PGL – O periódico Novas da Galiza informa no último número, o 93 já, do enriquecimento de diversas empresas galegas graças ao regime nazional-socialista. A publicaçom soberanista explica que a extraçom de volfrâmio na Galiza foi fundamental para sustentar a maquinaria bélica alemá na segunda guerra mundial.
Destarte, os próprios aliados tivérom entre os seus planos a invasom da Galiza, tal era a sua importáncia estratégica. Até 20.000 pessoas chegárom a trabalhar nas minas de tungsténio, relata o jornal, que aclara que «fôrom outros os que mais lucrárom com esta atividade, que fijo surgir algumhas das principais fortunas do Franquismo», assinalando como caso «mais chamativo» o do Banco Pastor, que pudo criar a Fenosa graças à exploraçom do minério, mas também a Finsa.
Outros conteúdos em destaque neste número, a «impotência» da Junta perante a vaga de incêndios que assola o País, incluindo a morte de dous brigadistas num dos últimos lumes, o registado la localidade de Fornelos de Montes, e tudo no meio de acusações de diferentes setores à Administraçom autonómica falando de «ocultaçom» do impacto real da catástrofe. Finalmente, na capa da publicaçom soberanista também se anuncia umha entrevista com José Emílio Vicente, membro da Coordenadora Antitouradas de Ponte Vedra, aproveitando um recente ato antitaurino na cidade.
Em páginas interiores, artigos e crónica voltados para o Dia da Pátria e notícias e reportagens sobre a permissividade da Junta contra a poluiçom do mar, os privilégios fiscais para as grandes fortunas, os favores do Governo para a rede afim a Nueva Rumasa se instalar na fábrica de Pascual em Outeiro de Rei, oposiçom na Terra Chã à exploraçom mineira ou a espanholizaçom das festas galegas, entre outras.
O número 93 do Novas inclui também um amplo número de entrevistas. Nesta ocasiom conversam com Txelui Moreno, porta-voz da equerda abertzale; Natacha Amaro, da Direçom e do Conselho Nacional do Movimento Demorático de Mulheres; membros da Associação de Amigos das Fragas e dos Cogumelos ‘Mar de Ovelhas’ e o cantor Leo F. Campos, de “Leo i Arremecághona”.
Completam o número o humor de Ruth Caramés e artigos e análises de Carlos Calvo, Maria do Cebreiro, Xurxo Martínez, José do Rio Pampim, Tiago Peres, Concha Rousia, Xermán Viluba, Toni Lodeiro, Beatriz Santos, Margarida Maceira e Xan Carlos Ánsia.
A Revista
Por sua parte, o suplemento A Revista, que cumpre dous anos e atinge o número 24, começa com um artigo de Xavier Viana voltado para as feiras e festas tradicionais. As páginas interiores estám dedicadas ao V Festival da Mocidade, que tivo lugar no passado 21 de agosto; e ao XXIV Festival da Poesia do Condado, que terá lugar neste fim de semana. A contra-capa do suplemento inclui um relato breve do escritor Rafael Xaneiro intitulado ‘Verao em Compostela’, enquanto Francesco Traficante analisa ‘Andrei Rublev’ (1966), filme do russo Andrej Tarkovski.
 |
 |
Clique em cima das imagens para ver as capas em tamanho grande
+ Ligaçons relacionadas:
