PGL – A Mesa pola Normalización Linguística denunciou ontem um novo caso de discriminaçom no campo do trabalho: a granja escola ‘El Kiriko’, situada em Fornelos de Montes (Terra de Montes), proíbe expressamente aos seus empregados usarem o galego.
Esta grave ilegalidade fica demonstrada num documento escrito de normas para o pessoal educativo da granja, no qual se especifica, literalmente, que «el idioma empleado en el trabajo será el castellano salvo excepciones que serán previamente comunicadas».
Conforme A Mesa várias administraçons públicas, tanto de âmbito galego como da comarca viguesa, contratárom serviços com esta empresa, polo que também se dirigirám às mesmas para que exijam o cessamento destas discriminaçons.
Carlos Calhom, presidente da entidade normalizadora, pediu para que os que «supostamente defendem o bilingüismo» ajam ante esta grave discriminaçom. Por outro lado, valorou positivamente as recentes declaraçons do secretário geral da Conselharía do Trabalho, José Vázquez Portomeñe, que anunciou que vam começar a tomar medidas ante este tipo de discriminaçons.
A situaçom de discriminaçom fomentada na granja escola «El Kiriko» foi denunciada através da Linha do Galego, um serviço lançado pola Mesa, que empresta assesoramento à cidadania que vê vulnerados os seus direitos linguísticos, e que vai proceder a denunciar este caso ante a Inspecçom de Trabalho.
+ Notícias relacionadas:
- A Mesa denuncia que unha empresa de Fornelos prohíbe aos seus empregados usar o galego. A Mesa, 18 de Novembro de 2008.
