PGL – A denominaçom deturpada Noya para se referir a Noia, vila do ocidente do País, continua a aparecer nos indicadores de tráfego do vial que une a localidade com Santiago de Compostela.
Os parlamentardes do Bloco Nacionalista Galego (BNG) Ana Belén Pontón e Bieito Lobeira denunciárom a situaçom perante a Mesa do Parlamento, e perguntárom quando se prevê substituir os indicadores com denominaçom ilegal da estrada AC-543.
Para estes parlamentares, a denominaçom ilegal Noya é, aliás, amostra da discriminaçom com o galego desde há séculos, e consideram que estes indicadores deturpados carecem de sentido quando a atual legalidade toponímica tem já 27 anos.
Assim, do BNG pergunta quando tem previsto a Conselharia do Meio Ambiente, Território e Infra-estruturas substituir a sinalética que inclui o topónimo deturpado por umha outra que restitua a legalidade, oficialidade e nome genuíno de Noia e em que prazo realizará a mudança.
+ Ligaçons relacionadas:
