PGL – Na passada noite do dia 15 instalaçons de vários meios de comunicaçom em Vigo foram atacados com pintura laranja e a legenda «Em Galego» escrita nas suas fachadas. Em concreto foram as sedes locais dos jornais Atlántico Diario e Faro de Vigo e do canal de tv local TeleVigo.
Num comunicado reproduzido em CMI Galiza – Galiza Indymedia os alegados responsáveis pelas acçons explicam que «Atlántico diario, Faro de Vigo, e TeleVigo som meios de comunicaçom locais que levam [d]esde [d]o começo a ‘cruzada contra el gallego’ de colectivos fascistas como ‘Galicia Bilingüe’ dando-lhes publicidade e tratando a estos assassinos da nossa língua como vítimas inocentes da suposta imposiçom do galego».
A seguir o comunicado refere que «o único idioma imposto na Galiza é o espanhol, e que eles [os meios] e a sua ideologia fascista é o único terrorismo que há no nosso territorio», acrescentando que ‘Galicia Bilingüe’ nom poderá manifestar tranquilamente a sua intençom do exterminio do galego pois «@s galeg@s estaremos presentes para mostrar o nosso rejeitamento».
Os ataques foram imediantamente denunciados, e o próprio Atlántico Diario destaca nas suas páginas que a autoria, nom assumida por grupo nengum em concreto, aponta para «os mais radicais entre o amplo espectro dos independentistas galegos, onde se incluem a AMI e outros partidos da extrema esquerda». Segundo o Atlántico Diario, «a prova seria a preposiçom ‘em’, clássica marca lusista utilizada por eles nos seus comunidados».
Ataque à galescola de Nigrám
Por outra parte, nesta semana a galescola de Nigrám foi alvo de ataques anónimos com pintura. A pessoa ou pessoas responsáveis utilizárom as cores da bandeira espanhola (como refere um conhecido jornal) para deixarem várias mensagens contrárias ao uso do galego.
