PGL – GzVideos apresenta umha nova entrega dos materiais gravados no 8F durante a marcha pró-castelhano organizada pola espanholista Galicia Bilingue. Depois da crónica de emergência que foi disponibilizada às poucas horas de se produzirem os factos e à superproduçom de 1 hora de duraçom em quatro capítulos Sunday, Pottery Sunday (em colaboraçom com Seioque.com) chega agora Defender a Língua Nom é Delito.
Nesta vídeo-crónica os acontecimentos som apresentados cronologicamente, do início das mobilizaçons até as detençons e posteriores concentraçons solidárias tanto em Compostela como em Vigo. A reportagem contém imagens já apresentadas nas outras crónicas mas acrescenta material inédito com entrevistas a activistas pró-galego e manifestantes que no dia 8 contestárom a marcha galegófoba.
De Gzvideos pedem para este material ser distribuído maciçamente e, dessa maneira, desvendar a manipulaçom e intoxicaçom informativa promovida através dos média do sistema que ocultárom a dura repressom policial, bem como a verdadeira face dos manifestantes em contra do galego.
+ Mais info:
- 8F: Manife polo apartheid linguístico. PGL, 09 de Fevereiro de 2009.
