PGL – A Conselharia da Educaçom remeterá durante o período de matrícula aos centros de educaçom da Galiza o inquérito para conhecer a língua materna dos alunos. Para além disto, a CIG denuncia o plano de San José de Cluny de Compostela incumprirám o decreto “plurilingüe”.
Secretário geral de Política Lingüística, Anxo Lorenzo confirmou que o decreto seguirá adiante ainda com os recursos apresentados à norma por parte de CIG-Ensino, CCOO-Ensino, STEG, FETE-UGT e a associaçom A Mesa pola Normalización Lingüística.
A primeira acçom empreendida para a aplicaçom do decretaço é a consulta aos pais e maes de educaçom infantil para o conhecimento da língua materna dos filhos. Para isto, o modelo de consulta remetido por Educaçom apresenta umha única questom: «Qual é a língua materna do seu filho ou filha?». A formulaçom da pergunta segue a mesma linha das já realizadas a começos de verao de 2009, pois a resposta nom informa sobre a língua na qual desejam que recebam educaçom as crianças, como assim propugna o Governo.
Cluny, além do “decretaço”
Segundo informa CIG-Ensino de Compostela, o CPR San José de Cluny da capital da Galiza projecta eliminar o galego do primeiro curso do primeiro ciclo de primária. As matérias de Conhecimento do Meio e Plástica, as quais ham de desenvolver-se em galego segundo o decreto do plurilingüismo, entram no programa bilingüe. Deste modo, o espaço para a língua do País fica sem espaço neste ciclo do ensino.
Ante isto, desde o departamento de ensino da CIG denuncia a exclusom deliberada do galego. «Que áreas quedam para dar em galego e cumprir a cacarejada igualdade? A conselharia da Educaçom, se permitir isto, volve demonstrar o que entende por normalizar a nossa língua», asseguram desde o sindicato.
+ Ligaçons relacionadas:
- Pregunta para as famílias do alunado de Educaçom Infantil (PDF)
- Educación envia aos centros o questionário para que os pais de alunos de infantil digam qual é a língua materna das crianças [web da Junta, 09/06/2010]
- O CPR San José de Cluny elimina o galego nas duas linhas de primeiro curso do Primeiro Ciclo de Primaria [CIG, 07/06/2010]
- Lorenzo dice que el decreto del idioma “seguirá” adelante y que será la Justicia quien dará “respuesta” a los recursos [Europa Press, 09/06/2010]
