PGL – David Balsa, atual presidente da Conferência Eurocentroafricana, expressou num recente artigo publicado em Xornal de Galicia a idoneidade da participaçom da Galiza na Comunidade dos Países de Língua Portuguesa como país observador ou associado.
Balsa destaca motivaçons económicas, políticas e culturais para a Junta considerar a entrada numha instituiçom que desde 1996 vem realizado um importante labor em áreas como a promoçom do diálogo político entre os países de língua portuguesa e iniciativas nas crises da Guiné-Bissau ou Timor Leste.
No texto, laia-se do “absoluto desinteresse por estabelecer relaçons com os países lusófonos” em todos os âmbitos, até o cultural. “Este isolamento auto-imposto tem fechado muitas portas tanto ao Governo galego como às nossas empresas, e é obvio que se precisa reprogramar a nossa açom exterior”.
David Balsa é ex-presidente das Juventudes Socialistas e da Executiva do PSdeG, além de membro destacado a nível internacional por presidir a Conferência Eurocentroamericana, um organismo para o diálogo entre ambas as regions. Em relaçom com a Galiza, Balsa só vê umha relaçom com Portugal e Brasil, mas com um achegamento de mui escasso conteúdo político e económico, de “corte quase protocolário”, mentres que o resto de Estados da CPLP som ignorados quanto a política exterior.
Longe de ser umha utopia, David Balsa deu conta da especial boa acolhida que a Galiza teria entre os países para passar a formar parte da organizaçom. Como exemplos fala de tuais altos cargos do Governo português, que tenhem amossado o interesse de trabalhar com a Galiza em todos os âmbitos, aproveitando a proximidade geográfica e lingüística, razom esta última pola qual o interesse é também grande por parte de “diplomatas brasileiros, moçambicanos e do resto de países”.
Balsa termina destacando o papel da língua galega neste achegamento. “Contra o que alguns tolamente defendem, nom fecha portas, mas abre janelas de oportunidades em todo o mundo”. Por último, assinalou 2011 como um bom ano para a entrada da Galiza, por ser nesse ano o 15º aniversário da constituiçom da CPLP.
+ Ligaçons relacionadas:
- O cumio de Luanda: Galicia e a CPLP [Xornal de Galicia, 09/09/2010]
- Movimento Internacional Lusófono procura criar o Passaporte Lusófono [PGL, 05/09/2010]
