Partilhar

Daniel Barral ganha concurso literário da Faculdade de Filologia da USC com umha obra em reintegrado

facultade-filoloxia-foto-santi-alvite
Santi Alvite

O certame literário Mazarelos, organizado pola Comisión de Normalización Lingüística da Faculdade de Filologia da USC, concedeu o primeiro prémio à obra O livro de Liu Changqing, do escritor Daniel Barral Calvo. O jurado distinguiu no seu ditame “a coesom da obra e a particular coesom dum universo próprio por meio da poesia”. O segundo prémio foi para Sara Porto Puente pola obra Tarde da que se salientou “a madurez de estilo que representa”.
Barral Calvo é estudante do mestrado em Professorado, enquanto Porto Puente é aluna do grau em Filologia Clássica. Na modalidade científica foi premiado Miguel Baena Laseca, aluno do grau em Veterinária, por Gustaralles o jazz ás moscas?
Um total de 36 trabalhos concorrêrom à sétima ediçom deste certame. Ademais, nove dos originais apresentados estavam enquadrados na categoria de obras de carácter científico, umha novidade com respeito a ediçons anteriores e desenvolvida em colaboraçom com a Associaçom AgroMar. O jurado estivo composto por Mario Regueira e Carlos Pérez Varela, escritores e professores da Faculdade de Filologia; Clara Vázquez, professora de galego; Sabela Fernández, professora e editora; e Samuel Solleiro, músico, poeta e tradutor. Na modalidade científica, o comité assessor estivo integrado por Ana Manuela Azevedo Gomes, Uxía Yáñez Ramil e Damián da Silva Martins, membros da associaçom de investigaçom AgroMar.

O jurado estivo composto por Mario Regueira e Carlos Pérez Varela, escritores e professores da Faculdade de Filologia; Clara Vázquez, professora de galego; Sabela Fernández, professora e editora; e Samuel Solleiro, músico, poeta e tradutor.

Com o objetivo de fomentar a criatividade da mocidade universitária e desenvolver a sua capacidade de expressom em língua galega, este certame contribui também a descobrir potenciais figuras da literatura em língua galega. Os prémios do certame som dotados com 600 e 400 euros na modalidade aberta, e 500 euros na modalidade científica, além do correspondente diploma honorífico.
O número de originais recebidos superou com amplitude os treze do ano passado e igualou as cifras de 2019, ano no que também se apresentárom 36 originais, a quantidade mais elevada no conjunto da história do prémio. O Concurso Literário Mazarelos conta com o apoio económico da Secretaría Xeral de Política Lingüística da Xunta de Galicia.

Escolas de Ensino Galego Semente lançam primeiro acampamento nacional para crianças e adolescentes

Lançamento do livro Johán Vicente Viqueira / João Vicente Biqueira (1924-2024). Poemas e ensaios em Bandeira

Ainda há vagas nos cursos aPorto 2024 para este verão

Homenagem ao Académico de Número Doutor António Gil Hernández

Salada de campo

António Gil: “Biqueira era doutrinalmente mais radical que Carvalho”

Escolas de Ensino Galego Semente lançam primeiro acampamento nacional para crianças e adolescentes

Lançamento do livro Johán Vicente Viqueira / João Vicente Biqueira (1924-2024). Poemas e ensaios em Bandeira

Ainda há vagas nos cursos aPorto 2024 para este verão

Homenagem ao Académico de Número Doutor António Gil Hernández