PGL – Três jovens fôrom condenados a pagar umha multa de 720 euros cada um por corrigir o topónimo floral deturpado situado na avenida Alfonso Molina, porta de entrada à cidade da Corunha, em 2005.
Cada um dos três jovens, denunciados quando ainda era regedor municipal o espanholista Francisco Vázquez (PSOE), foi condenado a pagar à câmara corunhesa umha indemnizaçom de 200 euros, à que há que somar umha multa de 120 euros por ser a corrigenda considerada também como falta de danos. Ainda, um quarto teria saído absolto.
Contudo, sendo um despropósito ser castigado por corrigir toponímia deturpada, num primeiro momento, o representante do Ministério fiscal solicitava no escrito de acusaçom que os imputados, que em 2005 tinham entre 20 e 23 anos, fossem condenados a pagar umha multa de 4.800 euros e um ano e seis meses de prisom. Ainda, e por se isto for insuficiente, a Fiscalia exigia o magistrado do Julgado do Penal número 2 da Corunha a imposiçom aos jovens dum abono de indemnizaçom de 4.595 euros à Câmara municipal. Em total, mais de 20 mil euros de sançons.
+ Ligaçons relacionadas:
- Visto para sentença o juízo contra ‘Os Quatro do L’ [PGL, 30/11/2009]
- Pedem-lhes 18 meses de cárcere e 4.800 euros de multa por arrancarem as flores do «L» [PGL, 12/11/2009]
- Comunicado de Isca! contra o julgamento de quatro jovens que arrancarom um «L» floral
- O autarca da Corunha recolhe a luva de Feijóo e pede oficializar o topónimo deturpado [PGL, 28/09/2009]
- Feijóo abre as portas à toponímia deturpada [PGL, 16/09/2009]
- Três pessoas julgadas por se oporem à legalização do topónimo «La Coruña» [Velho PGL, 22/02/2006]
