PGL – O porta-voz do grupo parlamentar do BNG, Carlos Aymerich, qualificava anteontem de momento «histórico» o debate das propostas de resoluçom que se realizou no Parlamento galego, e parabenizava-se de terem chegado a acordos com o apoio do PP sobre temas tam importantes como a língua e a condena ao franquismo, além do voto exterior.
Aymerich salientou que o Partido Popular assumira a proposta do bipartido para continuar com a aplicaçom do Plano Geral de Normalizaçom Linguística e lembrou que, com o acréscimo feito polo PP, «de acordo com o Estatuto de Autonomia», estavam a reconhecer e respeitar o galego como língua própria da Galiza com as consequências jurídicas que isso implica.
No entanto isso, o líder da direita espanholista na Galiza, Nunes Feijóo, declarava ontem, que embora o consenso atingido entre as três forças representadas no Parlamento galego, o PP irá derrogar o decreto do galego no ensino quando governar. E acrescentava: «O decreto do senhor Quintana e do senhor Tourinho discrimina no ensino, por razom de língua, os alunos, os professores e os pais».
+ Notícias relacionadas:
- O BNG consegue que o PP volte ao consenso sobre língua e memória histórica. BNG, 08 de Outubro de 2008.
- Feijoo acalma a Madrid: en canto chegue á Xunta, derrogará o decreto do galego. Vieiros, 09 de Outubro de 2008.
