PGL – O partido independentista NÓS-Unidade Popular (NÓS-UP) emitiu um comunicado no que denunciam umha estratégia «mui grave que quer torpedear os escassíssimos avanços da nossa língua no ensino e abrir caminho à sua completa espanholizaçom» por parte da Junta.
A consulta aos pais e maes fai parte dessa estratégia, perante a qual é necessária umha resposta popular, considera NÓS-UP.
Da Direcçom Nacional do partido, salientam o facto de estarmos «diante de um caso insólito de consulta no ámbito educativo, que sintomaticamente tem como objectivo tombar um avanço democrático tam fundamental como o direito do nosso povo à língua própria», e consideram «gualmente sintomático que o mesmo PP que pediu prisom para o ex-lehendakari [presidente] basco Ibarretxe por pretender umha consulta nom vinculante como esta, recorre agora a um procedimento similar».
NÓS-UP também anunciou que negará qualquer legitimidade à consulta do PP e fai um apelo ao boicote à mesma por parte dos pais e a mães, aderindo à iniciativa de numerosas entidades pedagógicas, sindicais e de todo o tipo que se tenhem manifestado nesse senso, pois entendem que “colaborar com essa falsa consulta supom legitimar umha agressom institucional à nossa língua”.
Para a formaçom soberanista, o valor democrático desta consulta é semelhante à que poderia ter umha sobre a percentagem de ciganos que podem escolarizar-se por centro de ensino ou a votaçom sobre a admissom de homossexuais nas escolas da Galiza, pois «nengumha sociedade democrática submete a referendo ou consulta o exercício de direitos fundamentais».
+ Ligaçons Relacionadas:
- Comunicado na íntegra [web de NÓS-Unidade Popular]
