A organizaçom juvenil nacionalista Galiza Nova suma cinco vídeos curtos dentro da campanha “O galego vai contigo”.
A campanha foi feita nas duas normas ortográficas, e um dos eixos discursivos da proposta fai fincapé na importáncia do marco da lusofonia.
Nesta linha, o último vídeo foca na comunicaçom com as pessoas do Brasil:
Na campanha, a organizaçom juvenil explica que: “se falar galego era motivo de puniçom durante o franquismo, é entendível que as geraçons passadas, num intento de oferecer um futuro melhor às seguintes, optassem polo castelhano, a língua de prestígio, para educar as filhas; se essas filhas se criárom em castelhano e tivérom que ir para a cidade na procura de trabalho, onde coincidirom com outras pessoas com histórias equivalentes, é entendível que a sua língua habitual seja essa e as novas geraçons medremos de costas ao galego.”
A partir desta compreensom da situaçom, a proposta é reverter o processo: “este processo de substituiçom linguística leva séculos em marcha e tem aliados nos poderes económicos e políticos, mas, como mocidade que conhecemos a nossa história, queremos reverter o processo e manter a nossa língua e cultura.”
