PGL – O trabalho intitulado Desastre ecolóxico dos adentros de Laura Peña Moscoso e Desejar é subjuntivo. Arrastrar a história de Maca Rocamonde Igrejas, ambas de Compostela, resultárom ganhadores do V Certame Literário Feminista do Condado, galardom concedido pola Assembleia de Mulheres do Condado.
Após avaliar os diferentes trabalhos apresentados o júri, composto por Mª Xesus Suarez Nuñez (Professora de secundária num liceo de Ponte Areias), Ana Mariño Alvarez (Professora de primária em Oliveira) e Ilduara Medranho Gonçales (em representaçom da Assembleia de Mulheres do Condado), acordou «dividir o prémio em dous accesits de 150€ respectivamente».
Laura Peña Moscoso e Maca Rocamonde Igrejas juntam-se a nomes como Concha Rousia ou Antía Mato Bouças. Segundo informam da AMC a entrega dos prémios terá lugar no Local Social Baiuca Vermelha de Ponte Areias sábado 25 de Outubro às 19 h.
De AMC parabenizam as duas ganhadoras, mas também agradecem o esforço realizado polo resto dos trabalhos apresentados. «A confiança depositada no único Certame Literário Feminista existente a dia de hoje na Galiza, autogerido por umha organizaçom de mulheres, som os melhores aços para continuarmos com a iniciativa e começarmos a preparar a ediçom de 2009», afirmam.
O Certame Literário Feminista do Condado tem como objectivo reivindicar os direitos das mulheres e denunciar a sua marginalizaçom e exploraçom.
