PGL – O dia 15 de junho finaliza o prazo para participar no XVII Certame Literário Lingüístico Ricardo Carvalho Calero. O prémio permite concorrer em duas modalidades, ensaio e criaçom literária, premiadas cada umha delas com 3.700 euros.
À modalidade de criaçom literária (narraçom curta) poderám concorrer unha narraçom ou um conjunto de contos por autor com um mínimo de setenta fólios, o mesmo que para a modalidade de ensaio. Os exemplares ham de ser inéditos, garantindo esta circunstância se resultar ganhador. As obras de doutoramento já qualificadas nom se consideram válidas. Ainda, os premiados de ediçons anteriores nom poderám concursar até dez anos depois de terem recebido o galardom.
Os trabalhos apresentados devem estar redigidos em qualquer normativa da língua galega. Trata-se, aliás, do único concurso literário em que se dá liberdade para empregar qualquer normativa do galego.
O falho do júri do concurso fará-se coincidir com o final das jornadas de homenagem polo centenário do nascimento de Carvalho Calero. Na anterior deste certame houvo um único premiado, Carlos Pazos Justo, polo trabalho Trajectória de Alfredo Guisando e a sua relação com a Galiza (1910-1921); enquanto na modalidade de criaçom ficou o prémio deserto.
+ Ligaçons relacionadas:
