PGL – A associaçom Abertal do Eu-Návia, presidida polo académico Carlos Varela, apoia a petiçom do Governo galego para que o sinal da TVG seja recebido polos decodificadores de TDT na comarca do Eu-Návia.
A Abertal soma-se assim à postura defendida por todas as forças políticas galegas e polo Presidente do Estado espanhol José Luís R. Zapatero, devido à importância que esta televisom na recuperaçom da língua galega na comarca do Eu-Návia e para a superaçom da descriminaçom que sofre o Ocidente de Astúrias.
A grande maioria dos presidentes das câmaras da comarca do Eu-Návia, apoia a medida, somando-se assim a umha clara demanda social. Da Abertal, demandam ao Governo de Astúrias o compromisso em firme dum convénio com a Junta da Galiza, para que também seja posível ver a TPA na Marinha e na parte oriental galega e «nom se deixe levar polas atitudes de imposiçom cultural e comunicativa dos sectores mais radicais e marginais do asturianismo político, con manifestacións tan ridículas como as da Academia da Língua Asturiana, do deputado de Esquerda Unida Francisco Javier García Valledor ou as desafortunadas declaraçons da presidenta da câmara de dol Franco, Cecilia Pérez».
+ Ligaçons relacionadas:
- Sem TVG nas comarcas do Berzo e Seabra [PGL, 04/11/2009]
- Petiçons culturais do Berzo aos partidos políticos galegos [PGL, 17/02/2009]
