PGL – A Fundaçom Artábria acaba de disponibilizar na rede, em formato de fácil leitura, todo um clássico da banda desenhada galega: A História da Língua em Banda Desenhada, cuja ediçom em papel resultou em seu dia num grande sucesso.
A novidosa publicaçom foi editada em Abril 1992 e apresentava com rigor nas datas e citaçons históricas umha história da língua como nunca se tinha feito, utilizando um meio divertido e novidoso: a linguagem da banda desenhada.
Usando critérios didácticos respeitárom-se formas orais e expressons coloquiais, sempre com tom humorístico e formativo, além de umha perspectiva inequivocamente reintegracionista. A empresa foi um dos primeiros grandes projectos do movimento reintegracionista de base que se desenvolveu na Galiza dos anos 80 e 90.
Além da Artábria, a ediçom – hoje esgotada – contou com a colaboraçom da Assembleia Reintegracionista de Bonaval (Compostela), Associaçom Cultural “V Irmandade” (Vigo), a Associaçom Galega da Língua, a Associaçom Reintegracionista Artábria (Narom), a Associaçom Reintegracionista de Ordes, o Colectivo Pestinho (Frente Comixário) (Casa da Juventude – Ourense), o Clube Reintegracionista do Salnês, o Grupo Reintegracionista Meendinho (Ourense) e a Sociedade Cultural “Marcial Valadares” (Estrada).
Descarregar em PDF [15.4 MB]
A História da Língua em Banda Desenhada
Índice:
- Introduçom (pág. 4)
- A Pré-História da Língua (Estratos linguísticos) (pág. 5)
- A Romanizaçom (pág. 8)
- Os Suevos (pág. 10)
- Os Visigodos (pág. 11)
- O Nascimento do Galego-Português (pág. 12)
- O Esplendor da Língua (pág. 14)
- Do Século XIV ao XIX (pág. 16)
- Século XIX (pág. 20)
- Século XX até 1936 (pág. 23)
- O Porquê da História da Língua (pág. 25)
- O Porquê em Banda Desenhada (pág. 26)
- Guia Fonético e de Leitura (pág. 27)
- Cronologia Histórica e Lingüística (pág. 28)
- De 1936 até 1975 (pág. 32)
- De 1975 até Hoje (pág. 38)
- Na Actualidade (pág. 44)
+ Ligaçons relacionadas:
