PGL Países Cataláns – O periódico mensual Novas da Galiza será apresentado este sábado 21 de março às 19:30, na galeria Sargadelos de Barcelona (carrer Provença, 274-276, paragem de metro Diagonal).
O acto, organizado polo colectivo Espai Gallec dels Països Catalans (Espaço Galego dos Países Cataláns), contará com a presença de dous dos seus responsáveis, que achegarám a realidade deste projecto às pessoas da capital catalã que tiverem interesse no mesmo.
Novas da Galiza é ó único periódico galego de informaçom redactado integramente na nossa língua desde umha perspectiva reintegracionista. A publicaçom conta já com sete anos de vida nos que tem tirado do prelo 75 números.
O Espai Gallec é um colectivo criado na primavera de 2005, que agrupa pessoas galegas deslocadas à Catalunha e gente catalã interessada na realidade da Galiza. A sua actividade centra-se na difusom da realidade e a cultura galegas nos Países Cataláns.
