PGL – A companhia de voo alemá Air Berlin continuará usando exclusivamente o castelhano para se dirigir aos seus clientes do Estado espanhol, apesar de que após a polémica derivada do editorial da sua revista oficial, em que desprezava o galego, o catalám e a língua basca, a empresa tivesse afirmado que tentaria adaptar-se a essas outras línguas faladas actualmente no Estado espanhol.
O director de Air Berlin para a Península Ibérica, Álvaro Middelmann, declarou em conferência de imprensa que «som cidadao espanhol e enquanto nom se demonstrar o contrário a Constituiçom de 1978 continua em vigor, e há umha língua que é comum a todos os espanhóis».
Middelmann dixo também que «há regions bilingües [do Estado espanhol] onde nom se está a respeitar isto». Por tudo isso exigiu aos falantes do galego, catalám e éuscaro «serem um pouco mais tolerantes» porque Air Berlin fijo «um grande esforço para atender os seus clientes em espanhol», dado que a tripulaçom de seus avions é maioritariamente de nacionalidade alemá.
«Somos umha empresa privada alemá que fai um grande esforço para atender os passageiros na língua comum de todos os espanhóis», destacou Middelmann, que também dixo que um estudo da Cámara de Comércio alemá no Estado espanhol salienta que atender os clientes do Estado espanhol noutras línguas que nom forem o castelhano «nom é rentável» e, portanto, nom farám isso.
+ Notícias relacionadas:
- Air Berlin despreza o galego. PGL, 11 de Junho de 2008.
- FC Barcelona recusa voar com Air Berlin. PGL, 02 de Agosto de 2008.
- Secretaria Geral de Política Lingüística diz estar a desenhar linhas estratégicas para integrar o galego nas aerolinhas de baixo custo. PGL, 06 de Agosto de 2008.
+ Ligaçom relacionada:
- Air Berlin es contradiu i afirma ara que no usarà el català, mentre convida als catalanoparlants a ser ‘tolerants’ i usar el castellà. Racó Català, 12 de Setembro de 2008.
