PGL – A Associaçom Cultural Fontaira, promotora da Galicola, acaba de fazer público o prazo para que todos os colectivos relacionados com a nossa língua apresentem as suas candidaturas ou projectos ao Concurso Ángelo Casal.
Segundo informam no portal web da Galicola, a forma de tornar possível esta colaboraçom será o referido concurso, que esvaziará cada ano, no Dia das Letras, o Fundo polo Galego. Qualquer entidade sem ánimo de lucro que nom tenha ganho a anterior ediçom poderá apresentar umha única candidatura que defenda ora a sua actividade pró-normalizadora em termos globais, ora umha actividade concreta em prol do idioma.
O concurso, resolverá-se por votaçom popular. De 1 de Janeiro a 1 de Maio cada consumidor de Galicola poderá votar polos projectos que prefira, enviando umha etiqueta do refresco com o seu voto. Nom há limite aos votos que cada pessoa queira enviar e poderá-se votar tanto por correio postal, quanto em urnas instaladas em centros sociais e locais por todo o país.
Haja ganhos ou perdas a Galicola reservará, no mínimo, o 5% das vendas para o referido Fundo polo Galego.
+ Ligaçons relacionadas:
- Refrescar a gorja, e a língua [PGL, 24/08/2009]
- Web da Galicola
