Este sábado, 3 de junho, às 20 hrs a Casa-Museo Manuel María acolhe o concerto de Zumaque, banda, com umha cuidada proposta polos diferentes ritmos da música tradicional, com umha absoluta renovaçom estética e com um importante espaço para a criaçom espontânea e a improvisaçom.
Integrada por quatro músicos de longa trajetoria nos seus ámbitos musicais, Zumaque está formada pola arpista bretoa Bleuenn Le Friec, com dilatada experiência na música sinfónica, o contrabaixista Alfonso Calvo e o percusionista Miguel Cabana, ligados ao jazz e às músicas improvisadas, e o clarinetista Pablo Pascual, que desenvolveu a sua carreira em diversos ámbitos, mas sempre comprometido com a música tradicional galega.
Com um trabalho editado, “Silván”, o cuarteto procura pôr em valor e dinamizar estruturas e harmonias da música tradicional, com umha tímbrica novidosa e uns arranjos cuidados.
