O Conselho da Cultura Galega, mais um ano, organiza os XXIV Encontros para a Normalizaçom Linguística, sob a legenda “Arte e lingua como ferramentas de construción masiva”
A convocatória, que é já a ediçom número vinte e quatro, quere-se abrir um debate com as criadoras e criadores artísticos do país com ánimo de tecer redes no sector e potenciar a língua de jeito cooperativo, já que, segundo as convocantes “ponhem de relevo as últimas tendências”. Aliás, o conselho da cultura também destaca que “confiamos no potencial das artes para exercer de elementos normalizadores.” Esta proposta forma parte dum plano para o desenvolvimento dum foro aberto para o estudo, reflexom e debate sobre a planificaçom linguística e a promoçom do galego.
Os vídeos promocionais do evento, que já estám na rede, forom apresentados por Nee Barros:
Em convocatórias anteriores foi-se concluindo que o porvir da língua nom se garante apenas pola atividade e dedicaçom de sectores concretos, como o sistema educativo ou o ámbito familiar, por muito importantes que estes sejam. A transmissom geracional e a continuidade da língua só estará garantida se se divulga também nos contextos que rodeiam a rapaziada nos seus processos de adquisiçom e desenvolvimento linguístico, e isso implica a participaçom de toda a sociedade. A organizaçom destaca aliás, que “a transmisom nom pode ser só vertical, da geraçom mais velha para a mais nova, pois é tanto ou mais importante a comunicaçom horizontal dentro do grupo geracional.”
