“Zona da Zanfona” é um festival arredor deste instrumento que celebra mais umha vez o seu encontro anual na ria da Arouça. Um evento único na Península Ibérica organizado por aCentral Folque e promovido polo Concelho de Rianjo que fai dezasseis anos este 2020.
Esta ediçom terá umha programaçom especial para cumprir os protocolos higiénico-sanitários sem desatender as actividades. A programaçom deste ano pivota sobre tres eixos: concertos de graça, cursos de aprendizagem e atividades online (em inglés para audiências nom presenciais).
Os concertos atendem a um critério de especializaçom (Efrén López e as músicas mediterráneas), popular (o repertorio tradicional galego do dúo Sobre Rodas e a dramaturgia de Os Monifates) e as novas expressons recreadas (trío É Romance sobre o romanceiro tradicional ibérico).
Os concertos som de entrada livre e este ano cumpre fazer reserva do bilhete prévia ao concerto que ademais terá o aforo limitado e distância física entre público ditaminada polos protocolos de segurança sanitaria.
Para a inscriçom é preciso enviar correio eletrónico a auditorio@concelloderianxo.gal ou no telefone +34 664 183 217 com a seguinte informaçom: nome, endereço eletrónico, teléfone de contato. A reserva é para pessoas individuais ou grupo de convivência habitual até um máximo de 5 pessoas.
Os cursos de interpretaçom serám:
De iniciaçom com Óscar Fernández (para o que nom se precisa instrumento próprio)
De especializaçom com Efrén López.
De construçom dumha zanfona com o artesao Suso Gestal.
Aula magistral com Steve Tyler, zanfonista inglés.
Palestra sobre cordas históricas e modernas com a canadense Tobie Miller, intérprete especializada en repertorio barroco para zanfona.
O ZdZ continua também com divulgaçom de repertório zanfoneiro com a terceira entrega do Cancioneiro #ZdZ, publicaçom de aceso gratuíto e descarga livre. Pode-se descargar os dous primeiros cancioneiros aqui.
ZONA DA ZANFONA. RIANJO 2020. Programa
Concertos ZdZ
Sexta-feira 3 julho. Auditório de Rianjo. 22.30h
- Efrén López. Solo.
- Sobre Rodas: Luís ‘Caruncho’ e Carlos do Viso
Sábado 4 julho. Auditório de Rianjo. 22.30h
- Os Monifates: Alberto Millán e José Nebra
- é Romance: Alba María, Queco Díaz e Uxía Muíño
Os concertos serám de balde prévia inscriçom por correio eletrónico.
Cursos ZdZ
- Zanfona Iniciaçom com Óscar Fernández. Sexta-feira 3 julho. 16-20h (prestamos instrumento!)
- Zanfona Avançado com Efrén López. Sábado 4 julho. 10-19h
- Zanfona Construçom com Suso Gestal. Sexta-feira 3 e sábado 4 de julho. 10-20h
Lugar: Auditório de Rianjo
ZdZ digital
Domingo 5 julho
- Master class com Steve Tyler. 18-21h (UTC+2). Curso online (em inglês).
- Palestra com Tobie Miller.”Cordas para zanfona: das históricas às modernas” 16-17h (UTC+2). Conferência online (en inglês).