PGL – A Associaçom Cultural Ergueitos de Sárria convoca o X Prémio de Poesia Fiz Vergara Vilariño. Com umha década contribuindo para a promoçom cultural galega, o Fiz Vergara é nos dias de hoje um referente no panorama dos prémios literários do país.
Na ediçom deste ano, um artista plástico presenteará com umha obra original a um/umha dos poetas que se apresentem ao certame. A editora Espiral Maior publicará a obra ganhadora.
Ainda, da Ergueitos informam que «a entrega da X ediçom será umha festa das artes (música, dança, poesia) e estamos a trabalhar para fazer dela unha alegre reuniom de ganhadores do Fiz Vergara, artistas plásticos, poetas e performance cheia do humor da Costa da Morte».
