PGL – O blogue “Friol: algo mais que pam e queijo” achega umha peça documental sobre a vida no concelho há mais de 30 anos, gravado e emitido pola Televisom Espanhola (TVE), e que resulta numha interessante peça de sociolingüística galega.
O vídeo amossa umha escola e umha família eminentemente rural, com todas as características da época: família emigrada, filhos acudindo à escola e fazendo os trabalhos domésticos e agrícolas e ganadeiros.
O documentário centra-se numha família, na qual falta a mae, falecida já, e onde o pai se fai cargo do trabalho. No enquanto, a irmá maior assume grande parte dos trabalhos domésticos, cuidados dos irmaos menores durante todo o dia. Em resumo, “carecem de tempo livre mesmo para cumprirem as tarefas escolares” e o lugar de estudo nom era o ajeitado, quase sempre a cozinha, único lugar com calor avonda, mas com ruído.
Também se trata, em boca dumha mestra, a questom de que alguns alunos tenhem «um grande problema com o bilingüismo» porque «Estám acostumados a expressar-se em galego quase sempre, queda o espanhol para contadas ocasions. À hora de expressar-se fam-o com dificuldade, pola falta de vocabulário, ou por decisom. Assim, preferem às vezes calar ou contestar com monossílabos».
A seguir pode-se ver o vídeo na íntegra.
{youtubejw}46z5zu8OnSs{/youtubejw}
+ Ligaçons relacionadas:
