PGL – Convocou-se o I Prémio Via Galego em reconhecimento pessoas ou entidades que melhorem com o seu labor o relacionamento da Galiza com territórios do sistema lingüístico lusófono.
Trata-se da primeira ediçom de um prémio que a própria fundaçom tem pensado outorgar anualmente. Segundo palavras de Carlos Callón, «um dos grandes problemas da nossa cultura é a falta de conhecimento e comunicaçom com outros territórios do sistema lingüístico ao que pertencemos».
Pretende-se, pois reconhecer as boas práticas que se ponhem em andamento neste sentido. As candidaturas ham de se remeter ao Padroado da Fundaçom por correio electrónico (viagalego[arroba]viagalego.org) ou correio postal (rua do Vilar, 15- 1º direita, Santiago de Compostela) antes de 1 de Setembro deste ano. Junto com a proposta achegará-se um currículo ou folha de méritos. A fundaçom garante que as candidaturas se tratarám com a máxima confidencialidade.
O júri estará formado polo próprio padroado da fundaçom, o qual poderá propor candidatos e se o considerar ajeitado, deixar deserto o prémio. O padroado está formado por Carlos Callón (presidente), Susana Romero (vice-presidenta), Iria Taibo (secretária) e os vogais Xavier Alcalá, Miguel Barros, Fátima Braña, Quico Cadaval, Pilar García Negro, Carmela González Bóo, Adolfo Muíños, Bernardo Penabade, Fran Rei, Henrique Sáez Ponte e Xavier Vence.
O nome da/o ganhadora/o do prémio, que carece de dotaçom económica, conhecerá-se no dia 18 de Outubro de 2010.
+ Ligaçons relacionadas:
- Convoca-se Prémio Via Galego 2010, “para que Galiza deixe de dar as costas à lusofonia” [Via Galego, 19/07/2010]
- Convocado o I Premio ‘Via Galego’ de lusofonía [A Nosa Terra, 19/07/2010]
