PGL – O Sam Froilám conta este ano com a primeira ediçom das Festas Alternativas, com as quais se pretende popularizar as celebraçons e servir como proposta popular e alternativa ao programa oficial.
Os colectivos involucrados nesta nova iniciativa som os Centros Sociais Vagalume e Mádia Leva, junto com a Brigada Antifascista. Assim, elaborárom um programa que se estende desde o 2 até o 12 de Outubro.
Entre as actividades destacam concertos, passa-ruas, jogos populares, palestras, projecçons, pinchadas e música, jantares e concentraçons de denúncia pola corrupçom nas instituiçons. Também se farám actos em apoio dos manteiros, que mais um ano serám perseguidos polas forças de “ordem pública”.
Para mais informaçom, abriu-se um blogue em que se pode ver toda a programaçom das I Festas Alternativas Sam Froilám.
+ Ligaçons relacionadas:
- I Festas alternativas do Sam Froilam 2010 [C.S. Mádia Leva, 30/09/2010]
- Actividades das I Festas Alternativas Sam Froilám [blogue das festas]
- Programa das festas populares deste ano [PGL, 29/04/2010]
- Iniciativa social arredor das festas populares deste ano [PGL, 12/04/2010]
