Teatro português a preço especial para associadas da AGAL

Sorteio a partir da página de Facebook da AGAL e do PGL



Dossiê CDG programaçom 2014-2015O primeiro semestre do ano apresenta-se interessante em Compostela para as pessoas amantes do teatro galego-português, pois haverá umha programaçom muito completa. Mantendo a linha de temporadas anteriores, a capital do País será o cenário de seis meses intensos de variadas propostas dramáticas galegas e portuguesas. As sedes da programaçom serám o Salón-Teatro (que depende do Centro Dramático Galego, CDG) e o Teatro Principal, ambos os dous na Rua Nova, embora o primeiro concentrará a maior parte das encenações.

Descontos para sócias e sócios da AGAL e sorteios

O relacionamento estável entre companhias de Galiza e de Portugal é umha das linhas estratégicas que o diretor do CDG, Manuel Guede, fixou como prioritárias na programaçom da sala de titularidade pública. Num acordo para o fomento e difusom deste intenso programa transfronteirizo, chegou-se a um acordo com a Associaçom Galega da Língua (AGAL) para que as pessoas associadas podam desfrutar do mesmo preço especial que já agora tem o alunado de português das escolas oficiais de idiomas.

Para Miguel R. Penas, presidente da AGAL, este facto mostra «como existem múltiplas hipóteses e oportunidades para estreitar uns vínculos com o espaço cultural próprio da língua galega». Ainda, insiste na ideia de que «as administrações públicas galegas devem funcionar como motor deste relacionamento tam necessário para a língua e para construir o novo guiom que precisamos».

Dentro do acordo com o CDG, a AGAL compromete-se a fazer a maior difusom possível de todas as peças teatrais deste semestre, quer através do PGL, quer a partir dos perfis nas redes sociais, quer mediante os canais de habituais de comunicaçom da associaçom. Aliás, cada umha das sessões, fará-se um sorteio na fanpage da AGAL e o PGL de 5 bilhetes para assitir gratuitamente ao teatro.

Já na semana próxima poderemos desfrutar deste acordo e assistir à primeira desta ambiciosa série de obras portuguesas.

  • O amor dos infelizes
    Autor:
    Valter Hugo Mãe (PT)
    Encenaçom: Companhia do Teatro Bruto (PT)
    Data: 22 de janeiro às 20:30h
    Lugar: Salón-Teatro
  • Um Picasso
    Autor: Jeffrey Hatcher (EUA)
    Encenaçom: Companhia do Teatro de Braga (PT)
    Data: Quarta, 11 de fevereiro às 20:30h
    Lugar: Salón-Teatro
  • Jardim Suspenso,
    Autor:
    Abel Neves (PT)
    Encenaçom: Centro Dramático Galego, dirige Candido Pazó (GZ)
    Data: De sexta 13 até domingo 29 de março, todos os dias às 20:30h e domingos às 18h
    Lugar: Salón-Teatro
  • O Mandarim
    Autor:
    Eça de Queiroz (PT)
    Encenaçom: Companhia de Teatro da Almada (PT)
    Data: Quinta, 9 de abril às 20:30h
    Lugar: Salón-Teatro

  • Pangeia
    Encenaçom:
    Limiar Teatro (GZ) e Acaso Dança (BR)
    Data: de quinta 15 até sábado 18 às 20:30h e domingo 19 de abril às 18h
    Lugar: Salón-Teatro
  • Nós
    Autoria:
    criaçom coletiva inspirada em A máquina de fazer espanhóis, de Valter Hugo Mãe
    Encenaçom: PELE Grupo de Teatro de Surdos do Porto (PT)
    Data: sábado, 9 de maio às 20:30h
    Lugar: Salón-Teatro
  • Saxo Tenor
    Autor:
    Roberto Vidal Bolaño (GZ)
    Encenaçom: Teatro Nacional Dona Maria II (PT)
    Data: sexta 29, às 11h e 17:30h, e sábado 30 de maio às 20:30h
    Lugar: Teatro Principal

PUBLICIDADE