A atividade decorreu durante os meses de outubro e novembro e reuniu alunas e alunos e professorado dos centros públicos IES Ricardo Carvalho Calero, IES Concepción Arenal, IES Sofia Casanova e IES Punta Candieira.
O laboratório abordou a questom linguística dum jeito inovador, incorporando ferramentas de gestom e facilitaçom de grupos e dando espaço às emoçons e à própria experiência.
A proposta conseguiu gerar espaços seguros para o uso do galego, e desenvolver um processo de autoreflexom sobre as ligaçons e prejuízos a respeito da língua própria, assim como o desenho de prototipos de intervençons dinamizadoras para a criaçom dumha comunidade de ativistas linguísticas, desenvolvidas pola própria mocidade.
Esta primeira ediçom constou de duas sessons de 100 minutos entre o 13 e o 27 de outubro nos centro ferroláns IES Ricardo Carvalho Calero, IES Concepción Arenal, IES Sofia Casanova, e o cedeirense IES Punta Candieira. “A hibridaçom da língua com o resto da identidade juvenil é umha das chaves”, sinala Andrea Rico, profissional da cooperativa Rexenerando encarregada do desenvolvimento do Lab.
Numha segunda fase, o 11 de novembro, desenvolveu-se umha sessom de prototipado de acçons intercentros. Nesse encontro de participaçom voluntária, o alunado dos diferentes centros desenharom possíveis intervençons para a dinamizaçom do galego. Umha série de pequenas grandes acçons ativadoras da língua nos seus contextos mais próximos. Neste sentido, Marcos Abalde, professor do IES Concepción Arenal destacou: “O Lab permitiu desbloquear o interesse dum grupo de rapaziada com a língua, foi bonito ver como estimulou a reflexom e a mobilizaçom”.
Umha série de pequenas grandes acçons ativadoras da língua nos seus contextos mais próximos. Neste sentido, Marcos Abalde, professor do IES Concepción Arenal destacou: “O Lab permitiu desbloquear o interesse dum grupo de rapaziada com a língua, foi bonito ver como estimulou a reflexom e a mobilizaçom”.
Na semana passado, o 29 de novembro, decorreu o acto de feche, entre as 12 e as 13:30h no Centro Cultural Torrente Ballester. Um evento que deu conta do processo publicamente, vinculando a rapaziada com toda a comunidade educativa e com o conjunto da sociedade. Pugerom-se em comúm as diferentes propostas de intervençom linguística resultantes e celebrou-se a potência criativa e o compromisso da mocidade com o idioma. Neste evento, ademais, projetou-se um o seguinte vídeo resumo:
Esta iniciativa é um projeto piloto de dinamizaçom do uso do galego entre a mocidade financiado pola SXPL a través do programa Teceredes, e desenhado pola cooperativa Rexenerando de Ferrol.
