Finaliza a campanha de micromecenado da Semente Compostela e as ativistas rematam com satisfaçom e agradecendo o apoio recebido. O Projeto Moas começa a ser umha realidade, após um processo de trabalho coletivo intenso levado a cabo nos últimos três meses: “Finaliza umha das mais emocionantes etapas da aventura da Semente. Quase um milhar de galegos e galegas impulsionárom o crowfunding que ousadamente decidimos lançar há agora 3 meses. Umha numerosa equipa humana organizada em comissons (propaganda, redes, finanças…) carregada de vontade e entusiasmo conformou a maquinaria que levou adiante a empresa. Videos, audios, textos, contatos, gestons de todo tipo de tarefas forom implementadas por activistas da Semente. E todo isto mentres o projeto educativo continuava coa sua vida orgánica! Foi muita tensom, forom muitas dúvidas…. Era demasiado dinheiro, mas era o que necesitavamos. E por fim, Galiza diante nossa.”
Com dúzias de solidárias oferecendo recompensas, com a militáncia de famílias e ativistas em defesa da língua e o apoio económico de 750 pessoas, o sonhado torna realidade. Gota a gota recadarom-se em total 160.000 euros para consolidar o projeto educativo que nascera em 2011: comprar umhas instalações no lugar de Moas, que permitam concentrar todas as propostas da associaçom num único espaço, e acolher todas as crianças dos centros de Educaçom infantil (de 2 a 6 anos) e de Educaçom primária (6 a 12 anos). Trata-se dumha escola de 600 m2 distribuídos em três andares, com possibilidade de ampliaçom num 50%, numha finca florestal de 3500m2.
As instalações no lugar das Moas permitem concentrar todas as propostas da associaçom num único espaço, e acolher todas as crianças dos centros de Educaçom infantil (de 2 a 6 anos) e de Educaçom primária (6 a 12 anos). Trata-se dumha escola de 600 m2 distribuídos em três andares, com possibilidade de ampliaçom num 50%, numha finca florestal de 3500m2.
Nem público nem privado: ensino comunitário
Semente Compostela é um projeto social sem ánimo de lucro que promove uma educaçom em galego acessível para todas as famílias. Leva funcionando desde o ano 2011, integramente em galego, e hoje está formada por um grupo de 7 trabalhadoras e comissons de trabalho das que formam parte pessoas das 70 famílias usuarias da escola. Com o apoio de colaboradoras económicas, militantes e gente afim ao projeto, que -mesmo sem ter necessidade dos serviços de umha escola- acreditam num ensino em galego e numha pedagogia que pretende servir aos interesses populares garantindo um processo de ensino e aprendizagem democráticos e que fai possível que as crianças sejam cidadás livres e críticas, a partir da defesa do idioma galego, do seu caráter internacional, e como parte indissolúvel da nossa cultura, da nossa história e do nosso futuro.
