Gratuíto, monolingue em galego, aberto e organizado por um liceu público.
O IES Rafael Dieste apresenta o cartaz do primeiro festival de música em galego Aquí Tamén Se Fala, que decorrerá na sexta-feira 7 de junho a partir das 17:00h na praça da Toleráncia, na Corunha.
O cartaz constitui o colofóm da iniciativa cultural de dinamizaçom linguística do país à que se sumarom mais de 200 centros educativos, clubs desportivos, referentes do mundo cultural e mais de 25.000 raparigas e rapazes a trabalharem de forma ativa.
Organizado no instituto público corunhês, este festival de música está programado pola mocidade e para a mocidade com a coordinaçom de Arcadio González e Alberto Pombo, promotores da iniciativa cultural “Aquí tamén se fala galego”.
No ato de apresentaçom do festival, que decorreu na semana passada no mesmo centro, participarom representantes institucionais da Secretaría Xeral de Política Lingüística da Xunta, da Deputación da Coruha e mais da cámara municipal, da Jefatura Territorial de Ensino e do próprio centro educativo, a caróm dos organizadores e dos músicos Nuno Pico (Grande Amore) e May (Leria).
O festival gratuíto, aberto à mocidade e a toda a cidadania, conta na primeira ediçom com as bandas: Grande Amore, Boyanka Kostova, Lontreira e Leria, e dá continuidade ao trabalho desenvolvido por “Aquí tamén se fala” no campo audiovisual que se divulga nas redes sociais de Instagram, Tiktok e Youtube com hashtag #AquíTaménSeFala.
