Trata-se de um thriller sobre o tráfico de armas e foi filmado entre Vigo e Lisboa, numha coproduçom da RTP e a TVG. O lançamento na Galiza foi o passado 2 de fevereiro, após a sua estreia na RTP o 17 de janeiro. A ficçom tem umha duraçom de 6 capítulos de 50 minutos, emitidos os domingos às 22:30 da noite na televisom galega, onde tivo umha boa acolhida por parte do público, com 8,1 pontos de audiência e 68.000 pessoas espectadoras no primeiro episódio. Ademais, vai ser distribuída internacionalmente pola británica DCD Rights.
A direçom é de Toño López, e diante da câmara destaca a actriz portuguesa Victoria Guerra e os galegos Monti Castiñeiras e Sergio Pazos. Completam o elenco da parte galega Eva Fernández, Paloma Saavedra, Santi Romay, Cris Iglesias e Adrián Ríos. E da parte portuguesa Adriano Luz, Joana Santos, Igor Regala e João Arrais.
Na questom lingüística a RPT optou por legendar as intervençons das atrizes e atores da Galiza em português padrom. Enquanto na TVG se legenda com a norma isolacionista as intervençons portuguesas. Mas em qualquer caso, a fluidez dos diálogos apaga qualquer fronteira idiomática, e constata a compreensom e proximidade linguística entre falantes dos dous países.
O trailer da RTP é o seguinte:
E na TVG podem-se ver os capítulos emitidos aqui.
