PGL – Hoje, quarta-feira dia 18 de novembro, coincidindo com a celebraçom do aniversário da I Assembleia Nacionalista, a Sociedade Cultural Mádia Leva! de Lugo convoca um passa-ruas em defesa da língua galega.
O cortejo sairá às 20h30 da praça do Campo e rematará na rua da Rainha diante do Hotel Méndez Nuñez, lugar no que será realizada umha oferenda floral. Com este acto, o Mádia Leva! quer reafirmar a necessidade do monolinguismo social em galego para frear o retrocesso do nosso idioma na Galiza, apostando pola reactivaçom do movimento normalizador de base e a denúncia pública do bilingüismo harmónico como ferramenta de espanholizaçom.
Do mesmo jeito, aproveitando esta data tam significativa na história do nosso povo e da cidade de Lugo, o Mádia Leva! quer reivindicar que, igual que no ano 1918, a Galiza continua a reclamar a soberania «sem cativeces».
Mais actos
Já no sábado, a plataforma Sei o que nos figestes… nos últimos 525 anos e a associaçom Cultura do País de Lugo comemorará o referido 91º aniversário da I Assembleia Nacionalista.
Às 18h30 na Cova da Terra (rua Nóreas, 12), haverá umha tertúlia protagonizada por Antón Somoza (especialista em história contemporânea), Comba Campoy (jornalista e coordenadora do livro O nacionalismo galego nos seus programas políticos) e Luis G. Blasco “Foz” (professor de língua e literatura galegas).
A seguir, às 22h30, no bodegom Tuiriz (rua dos Paxarinhos) terá lugar umha foliada na que haverá muitas surpresas mais.
+ Ligaçons relacionadas:
