PGL – No dia 28 de Janeiro noticiávamos no Portal Galego da Língua a denúncia do BNG perante a discriminaçom da língua galega que pratica o Instituto Nacional de Estatística (INE) na tramitaçom de documentos.
Na resposta emitida por Roberto Castro García, director geral de relaçons institucionais e parlamentares, argumentam que o facto de os formulários nom estarem disponibilizados na nossa língua tem a ver com a velocidade com o que mudam os mesmos, ainda que a entidade é consciente das suas obrigas legais, incumpridas a dia de hoje. Por isto tudo, a Secretaria Geral de Política Lingüística tomará as medidas oportunas.
Embora a página web do INE disponibilize para os utentes a escolha de idioma (espanhol, basco, catalám e galego), o que acontece é que no momento em que se procede a preencher os inquéritos, as únicas opçons reais de preenchimento som o espanhol e o catalám.
+ Ligaçons relacionadas:
- O BNG denuncia a discriminaçom do galego no web do INE [PGL, 28/01/2010]
