A vice-presidenta da Mesa pola Normalización Lingüística, Elsa Quintas, participou no passado sábado, 15 de junho, numha conferência internacional organizada pola Rede Europeia pola Igualdade das Línguas (ELEN) e Omnium Cultural.
No encontro debateram sobre novas estratégias para avançar na protecçom da educaçom em línguas minorizadas e no fortalecimento dos direitos linguísticos. Elsa Quintas, esteve acompanhada pola deputada do BNG, Iria Taibo.
O encontro explicitou a diversidade no Estado espanhol a respeito das realidades linguísticas. “As competências em educaçom estám transferidas e isso fai que a realidade linguística nos Països Catalans, em Euskadi e na Galiza sejam mui distintas”, sinalou Elsa Quintas. A respeito do ensino, a representante da Mesa fez fincapé na situaçom do ensino na Galiza: “Há quase um 24% de crianças que se autopercebem incapazes de farem-o. Há umha falta de competência que elas mesmas reflictem”.
Próximo encontro, em Bilbo
A Rede Europeia para a Igualdade das Linguas (ELEN) celebrará a sua assembleia geral no próximo mês de novembro em Bilbao, em que de novo, se tratarám tema relativos a educaçom, normativa e direitos linguísticos.
