PGL – Ramón Lorenzo, Catedrático de Filologia Galega pola Universidade de Santiago de Compostla (USC), o Concelho de Burela e o Foro Advogados Lugo recebêrom os prémios “Lois Peña Novo”.
A finalidade dos galardons é premiar o labor de promoçom do idioma galego no âmbito da Administraçom pública através do reconhecimento do trabalho desenvolvido por pessoas, instituiçons públicas e empresas privadas ou associaçons.
O júri estivo composto por Carlos Varela, fiscal superior da Galiza; Valentim Garcia, em representaçom do Concelho da Estrada (premiado na ediçom anterior); Maria Sol López, professora de Filologia da USC; José Manuel Tato, director-geral da área de urbanismo no Concelho de Ponte Vedra; Guillermo Fontán membro da própria Fundaçom “Lois Peña Novo”, Guadalupe Rodríguez, concelheira de Normalizaçom Lingüística do Concelho de Santiago de Compostela e Carme Pérez.
O prémio logrado polo Concelho de Burela foi justificado pola «política de inculturizaçom da numerosa comunidade internacional assente no seu território». O emprego do galego por parte do bufete de advogados Foro de Advogados de Lugo foi a motivaçom do seu prémio, mentres que de Ramón Lorenzo salientou-se a importância «das suas achegas filológicas para criar um córpus lingüístico aplicável à normalizaçom da língua nos âmbitos jurídico e administrativo».
+ Ligaçons relacionadas:
- Ramón Lorenzo, o Concello de Burela e o Foro Avogados Lugo reciben os “Lois Peña Novo” polo seu compromiso co galego [Junta da Galiza, 30/06/2010]
