Ramiro Vidal Alvarinho inicia na quinta-feira em Compostela a turnê de apresentaçons de Mares de Queijo, editado por Q de Vian Cadernos. O ato de lançamento terá lugar às 20h30 na livraria Ciranda.
Como indicado, a compostelana será a primeira de umha série de apresentaçons que decorrerám em diferentes localidades galegas (as mais próximas, Vigo e Ferrol), sem descartar a possibilidade de houver algum ato de lançamento fora do País.
O livro Mares de Queijo conheceu umha primeira vida há umha década, quando foi editado em formato digital pola AGAL. Hoje, o poemário «ressuscita» materializado em papel da mao do carimbo editorial Q de Vian Cadernos. O livro está prologado por Elvira Riveiro e,igual que na primeira ediçom, contará com umha capa de Maria José López Federico, quem já desenhara a capa de Letras de Amor e Guerra, do mesmo autor. A obra tem numerosas referências à política, à religiom, ao sexo ou à música entre outros temas.