PGL – Quinta-feira, dia 12 de janeiro, às 20h30, terá lugar no local da Sociedade Cultural Mádia Leva de Lugo o ato de apresentaçom do livro Teoria de Inverno. Os presentes do Apalpador, editado polo centro social A Gentalha do Pichel de Compostela.
O livro, apresentado por vez primeira a 20 de dezembro na Universidade compostelana, é um trabalho coletivo que conta com a participaçom de Jorge Paços, André Pena, Pepe Árias, Maria Iglesias, José André Lôpez, André Seoane, Mar Llinares, Carlos Calvo, Anjo Rua Nova e José Cadaveira.
Teoria de Inverno é «umha reflexom coletiva que pretende abrir caminho, ser a primeira pedra de um conjunto de estudos mais profundos, mais sistemáticos e mais alargados sobre a nossa identidade, mitologia e tradiçons. Nom se apresenta, pois, como um produto final ou acabado, mas como a primeira tentativa de estudo multidisciplinar sobre um fenómeno poliédrico –o Apalpador- que é abordado aqui de diferentes perspetivas: a perspetiva etnográfica do mito, a perspetiva social da sua recuperaçom e a perspetiva antropológica do seu papel na nossa sociedade tradicional e atual».
O ato decorrerá no local do centro social, na Rua Manuel Amor Meilám 18, rés-do-chao. Parte dos lucros da venda do livro, à venda na Imperdível, irám destinados à escola de ensino infantil Semente.
Índice do livro
Prólogo – Conselho Geral da Gentalha do Pichel
Subsídios para umha Etnologia de Libertaçom – José André López
O Apalpador na mundializaçom – Pepe Árias
Assim renasceu o Apalpador – André Seoane Antelo
A tradiçom mitológica galega – Mar Llinares García
A tradiçom do solstício de inverno noutros povos da Europa – Anjo Rua Nova F. e José Dias Cadaveira
O movimento galego e as tradiçons inventadas – Jorge Paços
O Ciclo Anual. O Tempo Cíclico – Maria Iglesias
Um, dous, mil Apalpadores! – Carlos C. Varela
O Ciclo de Inverno – André Pena Granha
+ Ligaçons relacionadas:
- O anúncio no blogue da S.C. Mádia Leva
- Apresentação de mais dois livros do Apalpador [PGL, 24/12/11]
- Apresentaçom de ‘Teoria de Inverno. Os Presentes do Apalpador’ [PGL, 19/12/11]
- Ficha de Teoria de Inverno. Os Presentes do Apalpador na loja Imperdível
- Mais notícias sobre a escola Semente no PGL
- Canal especial do Apalpador no PGL
