O passado sábado, dia 9, durante as festas do Sam Froilam em Lugo, a iniciativa Projeto Estreleira anunciava o evento ‘Adiante Galiza. Somos umha naçom”. A vontade, pretende criar umha muralha humana na mesma muralha de Lugo o dia 21 de Novembro, a partir das 12:30h, e para além de servir para visibilizar os símbolos galegos, pretende também ir acompanhado da divulgaçom de factos históricos, como neste caso, lembrar o grupo de pessoas que, em 1918, dérom início à etapa nitidamente nacionalista da causa galega, agrupados baixo o chamado das Irmandades. Dá-se também a circunstáncia que neste ano cumpre-se justo um século desde que a nossa bandeira ondeara oficialmente num prédio institucional. Foi na Corunha de 1921, baixo o auspício do militante e pensador Lois Peña Novo.
Cadeia, música, jantar
Segundo informam nas suas redes sociais, Estreleira comprometeu já um grupo de 250 voluntárias e voluntários para conformar o que chamam ‘os alicerces da muralha’, com o que está garantida já umha extensom de mais de 500 metros de pessoas. A intençom é que centos de galeguistas de todo signo adiram à iniciativa, através das folhas de inscriçom facilitadas pola organizaçom.
O acto encerrará-se na Praça da Catedral com um discurso. Pondo o ramo a um dia que se pretende ‘de irmandade’, o coletivo trabalha também na organizaçom dum jantar popular.
