Este sábado 20, a partir das 20 horas, o centro social Xebra de Burela contará com a presença de Olaia Tubío, umha das diretoras de ‘Dorothé na vila’. A cineasta, nominada aos prémios Mestre Mateo pola sua obra, presentará o filme. Este segue a viagem das duas criadoras trás os passos de Dorothé Schubart.
Esta musicóloga suíça chegou à Galiza nos anos 70 para procurar os cantos antigos que desapareceram já no centro de Europa. As 300 horas de gravaçom da investigadora ajudaram a formar o Cancioneiro Popular Galego, a maior compilaçom de músicas tradicionais do país.
Tubío e Alejandro Gándara procuram e encontram as vozes que Schubart gravara há 40 anos e descobrem as suas histórias de vida. O filme revela um trajeto no que convive a alegria de voltar cantar e a frustraçom de chegar tarde para conhecer um mundo que desaparece.
Depois do colóquio e da projeçom, o centro social oferecerá petiscos para acompanhar a foliada. A entrada é de balde até completar lotaçom.
Depois do colóquio e da projeçom, o centro social oferecerá petiscos para acompanhar a foliada. A entrada é de balde até completar lotaçom.
.
